Im Büro louft auäs rund...
Ig hoffe Du hesch zNöiä Johr guet aagfange. Gfyret hani zNeujohr im Schönbündnerland, gnauer gseyt ufem Churer Joch. Am Morge am 2 symer de no abegschlittlet. Dasch ä seeehr ä gueti Üebig gsy!
Syt geschter bini wieder am schaffe. Und im Büro louft auäs Rund. Dasch nid säubverschtändlech, dass auäs normau louft. Mir isch do grad dä arm Mitarbeiter i Sinn cho, wo echley Problem het mit sim Kompiuter. Uf Google Video hani ds Fiumli gfunge wone Klassiker isch und immer wieder (huere) luschtig isch... ;-)))
Und wenn uf mim Kompiuter deheime di vile Fählermäudige nid gly verschwinde passiert bi mir äuä grad zglyche.....
posted by Mä-2 @ 13:50
2 comments
2 Comments:
hey mä-2!
wie loufts mit dim pc@home?!
heschs problem chönne löse?
gruess und e schöne tag, Flöggu
Nix hani chönne löse -> immer no di glyche Fählermäudige!!! Ig schiebe di liebe Fählermäudige eyfach uf dSiite und de chani (momentan no) witerschaffe. Aber wenn de öpper kennsch wo weiss wie was wo zkorrigiere wär - merci de me dire...
Kommentar veröffentlichen
<< Home