Supermän

Mä-2 het nümme so Zyt gha sy Blog z'aktualisiere! Doch hüt ha ig wieder eynisch Zyt gha echley zKompiüterle und äs paar luschtigi Fiumlis ufeglade.

Was Reggae auäs cha!

Inere Flugschtung....

Das sy de liebi Eäutere...

Der Preis ist heiss

Wär mag sech no erinnere. Ide Aafangszyte vom Kabufernseh isch aubes uf RTL+ dSändig „Der Preis ist heiss“ gloffe, mit em Harry Wjnvoord aus Moderator und em Walter Freiwald aus "Preis-Ansager".

Jetzt gits do ä Houmpeitsch wo verlangt, dass die Sändig wieder ufgschaute wird. Bitte ou mitmache unger: http://vote4harry.de

Äs wär doch schön, wenn mir das wieder chönnte gseh: >>Meine Damen und Herren: DAS RAD!<< ;-)

Ruumschtation

Hüt am Morge am viertuvorvieri hani ä Schtärn gseh, wo ganz schnäu überem Himu verbigsuuset isch. Natürlech bini grad iz Internet go luege, öb sechs ächt um dRuumschtation ISS handelt.

Et voilà: äs isch se gsy! Zwöi mou im Johr (Juni u Dezämber) gseht mä sy bsungers guet - bis zu 4 mou pro Nacht. Meh Infos giz hie.

Schuttä

Dr Fuessbauclub YB isch letscht Sunntig nid Schwizer Meischter worde. Ä Mätsch vorhär gäge Sanggauä isch dr Kommentator Albi Sander komplett düredräit.

Bärepark Bärn

Sy si nid schnüsig di chlyne Bärli Björk & Finn im nöiä Bärepark zBärn... ;-)

Nöis Huus

Hie ä Wärbeschpot vore bekannte Holländische Biermarke. Mä bout sech es neus Huus und tuet siner Fründe iilade zur Huusbesichtigung. D'Frou zeigt vouär schtouz ihre begehbare Chleiderschrank und dr Maa het öppis angers, wo "begehbar" isch...

Kindererziehig

Hie ä guete Link für auii Eäutere mit Ching. Kathrin Buholzer us Münsinge het ä Houmpeitsch gschtautet, mit wärtvouä Tipps & Tricks für dErziehig vom liebe Nachwuchs wo nid wott fougä. Unger angerem wird jedi Wuche äs nöis Fiumli ufgschautet mit em ne angere Thema.

Link: www.elternplanet.ch

Schiffsfüehrerprüefig

Äs nöis Johrzähnt isch aabroche. Wie wärs, we me das Johr zum Bischpiu emou dSchiffs-Füehrer-Prüeffig würd mache? Hie äs Video derzue...

Treni notte soppressi

Hüt isch Fahrplanwächsu. Und ab hüt giz ou kener Nachtzüg me nach Rom! :-/

Auperhidörfli

We de wieder emou im Bündnerland bisch und de zLandquart ufe Zug nach Davos muesch warte, de gang doch schnäu iz Aupe-Ri-Dörfli go kömmerle. Dört hei sy äs 650m (!) längs Dörfli usem Bode gschtampft.

I jedem Hüsli hets e Lade mit Outlett-produkt (ca 100 Schops). Das ganze Dörfli - oder äbe Alpenrheinvillage - wird am 26. Novämber 2009 eröffnet und isch eyne vo de gröschte Outlet-Shops vor Schwiiz.

Sesamstrasse

Schyns wird dSesamstrasse hüt 40 Johr aut. ZKrümmelmonster, Ernie & Bert isch äuä aune ä Begriff. Aus aktuellem Anlass hie äs bekannts Liedli...

Scharfschütz Ueli

Üse Armee-Minischter zBsuech bire Oberwalliser Kompanie...

Mathematik im Wandel der Zeit

Volksschule 1960:Ein Bauer verkauft einen Sack Kartoffeln für 50 Fr. Die Erzeugerkosten betragen 40 Fr. Berechne den Gewinn.

Realschule 1970:Ein Bauer verkauft einen Sack Kartoffeln für 50 Fr. Die Erzeugerkosten betragen vier Fünftel des Erlöses. Wie hoch ist der Gewinn?

Gymnasium 1980:Ein Agrarökonom verkauft eine Menge subterraner Feldfrüchte. Die Menge Geld (G) hat die Mächtigkeit 50. Für die Elemente G gilt: G ist 1. Die Menge der Herstellerkosten (H) ist um 10 Elemente geringer als die Menge G. Zeichnen Sie das Bild der Menge H als Teilmenge der Menge G und geben Sie die Lösungsmenge L für die Frage an: Wie mächtig ist die Gewinnsumme?

Gesamtschule 1990:Ein Bauer verkauft einen Sack Kartoffeln für 50 Fr. Die Erzeugerkosten betragen 40 Fr. und der Gewinn 10 Fr. Unterstreiche das Wort Kartoffel und diskutiere mit Deinem Nachbarn darüber.

Autonome Erlebnisschule 2000:Ein Bauer bietet auf dem Öko-Markt Biokartoffeln an. Nehme eine Kartoffel in die Hand. Wie fühlt sie sich an? Wie riecht sie? Schabe etwas Erde ab, zerreibe sie zwischen Deinen Fingern. Atme den Geruch tief ein. Schließe die Augen und versetze Dich in die Kartoffel. Du bist die Erde. Fühle die Feuchtigkeit, die Dunkelheit... Komme jetzt zurück. Öffne die Augen. Erzähle Deinem Nachbarn von Deinen Erfahrungen.

Schule 2010 (nach der Rechtschreibreform):
Ein kapitalistisch priweligierter bauer bereichert sich an einem sack kartoffeln um 10 euros. Untersuch das tekst auf inhaltliche feler. Korrigiere die aufgabenstellung und demonstrire gegen die lösung.

Schule 2020:
Es gipt keine kartoffeln mer, nur noch pomm frizz bei McDonalds.


***********************

Und Apropos Härdöfu: unger www.kartoffel.ch giz no äs Game

Schuäu ines paar Johr...

Mä-2 het früecher aubes no müsse ufschtoh wo dr Lehrer iz Klassezimmer isch cho. Hützutags & in Zuekunft geyt das äuä de chley angers...!

Lara Irene

Villech ischs dr ou scho ufgfauä. Ir letschti loht mini Blog-aktulisierig echley noche. Grund dafür isch:

Am 20. Septämber 2009 bi ig schtouze Papi worde vor Lara Irene.

Geburt isch guet verloffe, und di chlyni Lara isch gsung und munter.

D'Eäutere sy echley müed, aber ÜBERGLÜCKLICH!!!

Super Mario Kart

Wär erinneret sech no az Videoschpili Super Mario Kart? ;-)

Guugel Schtreetwiu

Ab hüt isch Guugle Schtreetwiu us dr Schwiz ufgschautet. Und das funktioniert eso:

1. Mä git ii im Internet: maps.google.ch
2. Mä tuet di gwünschti Region echley härezuume
3. Mä nimmt zMännli mit dr Muus und tuets dört platziere, wo mä wott luege wis dört usgseht...

Oder, wäm das auäs zkompliziert isch, geyt eyfach emou uf dä Link hie.

Und när gseht me eso auerhang Sache, wo zGuugle-Schtreetwiu-Outo dä Früelig gföttelet het. Füre Momänt sy nume di Schtrosse ufgschaute, wo uf dr Charte Blau hingerleyt sy.

Rouchfrei

Ändlech! Im Kanton Bärn herrscht sit es paar Täg überau Rouchverbot. Aber zChina rouchne sy flott wyter. Sogar scho di zwöi jährige Ching!!!

Ziviuschutz

Mis liebe Brüetschli isch grad im Ziviuschutz. Und do hei sy schiins schampar viu ztüe.

Do isch mer grad obeschtehends Biudli i Sinn cho, wo letschte Zischtig ir Zytig isch gsy. Ä Ziviuschützler wo ufemne Waudwägli mitere Bloosmaschine tuet Tannezäpfe wägbloose!!!

Wär weiss? Villech ghöre die Beschäftigungsterapie no zu de sinnvouere Tätigkeite... ;-)

Schiuder ide Ferie

Hüt het Mä-2 sini Outoschiuder bis uf witeres id Ferie gschickt. Wüu Mä-2 geyt ab sofort mit em Velo go schaffe. Das sy de öppe 20 km am Tag.

Achtung im Tunnäu

Mä-2 isch soäbe zrügg vo 2 Wuche Ferie in Südfrankrych (Hyères). Ungerwägs zsy mit em Outo uf de Italiänische und Französische Outobahne macht eyfach Schpass. Do chame mit offizielle 130 km/h dür dTunnäu brättere - und äs isch legau...

Das Fiumli hie macht eym aber gar kei Schpass zum zuezluege. Äs isch ufgnoh worde im Lefortovo-Tunnäu zMoskou. Film ab:

Tracasset

Letschs Wucheänd bini zEpesse gsy ade Wäutmeischterschafte vom Tracasset.

Äs Tracasset isch äs chlyses drüredrigs Fahrzüg, wos nume ir Lavaux git. D Wybure bruches um ihri Maschinene ztransportiere.

Und au zwöi Johr fingt dört dWM statt. Mit de präparierte Tracassets fahre sy de ide änge Wäglis vo Epesses um dBeschtzyt. Und echley Kurveöu (Epesses) darf natürlech nid fähle...

Cabaret Rotstift

Z'Original chunnt vom Cabaret Rotschtift und heisst: "Am Schilift".

Doch mittlerwile gits ou scho ä verfiumig... ;-)

Wandersaison

Dr Schnee isch am schmeäuze und gly foht dWandersaison wieder a. Wär nid cha warte, däm empfileni ä Usflug iz noche Süd-Spanie.

Dr Wanderwäg "Caminito del Rey" isch nämlech no sehenswärt. Ide letschte paar Johr isch er leider nid eso guet ungerhaute worde...

10 Finger System

Wie wärs wieder emou echley zZäh-Finger-Syschtem zbeüebe...?

Unger www.typeracer.com chasch äs 'Wettrenne' mache gäge angeri Schpiler, oder sogar gäge Kollege, we sech die genau glychzytig ilogge. Muesch eyfach ä Tegscht (uf Änglisch) abschribe.

Äs git Schpinner wo bis zu 135 Aaschleg pro Minute mache. Mä-2 schaffts uf 52, die sy zschloh!

Barriere

Was lehre mer drus? Wenn dBarriere zue sy, denn sött mä nid drüber schtige! Süsch muesch no nöii Schue go chouffe...

Lawinegfahr

Letschte Wuche hez in Obersaxe fasch jede Tag gschneit. Jetzt herrscht dört und ou ir ganze Schwiz grossi Lawinegfahr. Ä müglechi Lösig vo däm Problem gsehsch i däm Fiumli.

Übrigens chunnt dr Wäutmeischter im RieseSlalom us Obersaxe. Är heisst Carlo Janka. Und jewiils im Summer gits dört dVeranschtautig 'Hillclimbing'. Di probiere mit em Töff so wyt wis geyt dr Hang zdürufzfreese.

Obersaxen

Mä-2 verreist wieder eynisch mit Sack & Pack fürne Wuche id Schiiferie. Nöchscht Wuche bini im Bünderland aazträffe, gnauer gseit in Obersaxen.

Fahrleitigs-Schtörig

We mä mit dr Isebahn fahrt, gits ou mängisch Züg wo verschpötet sy oder gar nid ersch chöme. De heissts de aubes im Lutschprächer: "Infolge einer Fahrleitungs-Störung verkehrt dieser Zug mit 20 Minuten Verspätung".

Im fougende Fiumli gsehsch emou 1:1 was ä Fahrleitigs-Schtörig isch. Gfiumet vomene Dach vore Loki us.

Chrank!

Mä-2 isch chrank! Und das scho syt 5 Täg. Rhüme, Fieber, Hueschte, etc... churz auäs wo äbe derzue ghört. ;-(

Jetzt hüeti deheime echley dWohnig und suuffe Tee bis mer dOhre gwaggele. Und das ig nid vergisse zTeebütteli useznäh, tue ig mir jetzt de gly sone Tee-Butler zueche. ;-)