Ändlech Ferie...

Voilà - ändlech Feriä! Und zwar mit em Chrigi! Mir sy zäme ä Woche z'Bündnerland go erwandere (Jo, äs git no äs paar Fläckli woni no nid bi gsy!). Afangs Wuche hey mer dr Höhewäg zwüschem Misox und em Calancatal gmacht. Nachem ne Bsuech bir Daniela (Ciao Sebi...) sy mer "unger düre" mit em Bus dür zVäutlin nach Tirano und wyter mit der RhB iz Puschlav (das isch unge rächts uf dr Schwizer-Charte, dört wo dSchwyz no Land het). Genauer gseh sy mer ines Sitetau vom Puschlav, iz Val da Camp a Lago di Saoseo.