Louberhorn...

Jo voilà -> dasch wieder eynisch ä Üebig gsy... Letschts Wucheänd bini mit em Bezi zWänge gsy am Louberhornrenne. Und wüus nume wenig oder zum Teil gar ke Schnee het gha, und d'Uhr scho "deux chiffres" het aazeigt, sy mer iz Après-Ski. Dr gröscht Teil vor Abfahrt hey mer vo dr Startbar us gluegt.

Uf dr Pischte hey mer när no äs paar Twanner aatroffe. Sy hey ä Ungerkunft in Grinduwaud buechet. Im Tipi hey mer se de überzügt mit uf Wänge zcho. Dr Obe isch ämu no lang worde, und wies zSchicksau eso wott, het schlussändlech nume ihres Gepäck in Grinduwaud übernachtet...

Mit em 2. Platz vom Didier Cuche ir Abfahrt isch zFescht so richtig gschtige. Am Sunntig sy när no zwöi wyteri Schwiizer uf zPodescht gfahre. Aber am Mäntig isch mis Porte-Monnaie us Zibeleläder gsy... äs sy mer grad Träne cho so läär isches gsy ;-)