expo.02

Vor genau 5 Johr isch d'Expo.02 eröffnet worde! Jo, dass sy würklech scho füf Johr här! Äs isch ä geniali Zyt gsy i däm Johr 2002!!! Zum Bischpiu uf Yverdon id Wueäuke go Wasser suufe. När mit em Iris übere Neueburgersee flitze. Ungerwägs am AMJ winke. Und dr Obe im Cargo lo usklinge (...)!

Unger Expo-Archiv.ch isch no jedi Arteplage mit sine Usschtellige beschribe.

Zersch ha ig nume eys Föteli uf mi Blog wöuä tue. Aber äs sy soooo viu Erinnerige ume, dass ig grad mehreri Fötelis uf zPICASA ha do.

Uf mim Kompiuter hani de ou no Föteli gfunge, woni mit mim erschte MMS-Natel gmacht ha (Nokia 7650)! Kombiniert mit äs paar Biudlis usem Internet git das ä schöni Erinnerig ad Expo 02.

Viu Spass bim luege...