Quitsche-Entchen

Neulich idr Zytig gläse: Im Januar 1992 isch im Pazifik äs Container- schiff ine Sturm grote und het äs paar Container verloore. I eym vo dene Container isch unger angerem ä ladig Quitsche-Entchen gsy.

Syt däm wärde ade Stränd uf dr ganze Wäut (!) immer wieder Quische-Entchen häregschpüelt. Ozeanologe chöme so neui Informatione zu de verschiedene Meeresströmige über...

Uf dene Änteli isch äs Chopfgäud usgsetz: Wenn auso öpper ide Ferie am bädele isch, und äs Quitsche-Entchen am Strand aatrift mit dr Ufschrift "The First Years", berchunnt 100 Dollar über...