Lötschbärg-Basis-Tunnäu

Morn, 15. Juni 2007 isches e sowyt! Dr nigunaguneu Lötschbärg-Tunnäu wird hochoffiziell eröffnet. Auäs wo Rang und Name het + fasch aui Verkehrs-Minister us haub Europa wärde iz Bärner Oberland reise.

Z'Fernseh brichtet sogar inere 4schtündige Sondersändig über dTunnäu-Eröffnig. Das isch nid eyfach "äs Tunnäu". Das isch ä 34,6 km längi High-Tech-Aalag! Hie nume emou äs paar Bischpiu:

- 133 Überwachigskameras mit Infrarot, 420 Handfüürlöscher, 3200 Sensore (Gas, Rouch, Temperatur, Wasser, Bärgdruck).

- Füre Strooseverkehr im Tunnäu (Unterhalt, Evakuation) hets 84 Liechtsignau, füre Schieneverkehr hingäge hets kes einzigs. Dr Lokfüehrer berchunnt di nötige Agabe uf sis ETCS diräkt via GSM-R über.

- Bis zur Ufnahm vom fahrplanmässige Verkehr am 9. Dezämber 2007 müesse über 10'000 Testfahrte düregfüehrt wärde.

Am Samschtig, 16. Juni 2007 gits äs Eröffnigsfescht uf beidne Siite vom Tunnäu (Frutige & Visp). Faus öpper interessiert isch, schnäu düre Tunnäu iz Wauis zflitze; ig hät no äs Gratis-Billet fürne Fahrt im Extrazug vo Frutige nach Visp und zrügg...