Skyguide für dehei

Du bisch sicher ou scho mou i dere Situation gsy. Äs isch schöns Wätter, du bisch vorusse und tuesch dr Ranze sünnele. Über dir zeichnet ä Flüger Kondänsschtreiffe a Himmu und du frogsch di vo wo nach wo das ächt jetzt dä chönnti flüge.

Für das gits jetzt Abhiuf. Zwöi Zürcher Schtudänte hey ä Houmpeitsch gmacht, wo dr Transpondercode vo de Flüger umwandlet uf Google Maps.

Dodermit no nid gnueg. Klicksch ufe Flüger und denn gsehsch grad zFlugnummer, vo wo nach wo, dFlughöchi, Gschwindigkeit, dr Flugzügtyp, etc… Und das auäs notabene in Ächtzyt!

Und wenn de dene Flüger eso zueluegsch chunnt scho grad echley Ferie-Schtimmig uf, oder ämu wenigschtens zVerlange, wieder emou nöimä häreztschette...