Nike ID

Geschter am Namittag lütets ar Hustüre. Ä Maa vom UPS Kurierdienscht schteyt mit äm ne Päckli vor dr Türe. Drinne sy mini nöiä Turnschueh!

Die hani vor zwöi Wuche säuber gschtautet. Unger Nike-ID wäusch zersch wöles Schuehmodäu, nächär chasch jedi Farb säuber wähle. Di Datene wärde nächär übermittlet ad Nike-Fabrik in Dongguan (China). Dört wärdi die Schueh gmacht und a UPS Kurierdienscht übergäh und bis ad Hustüre gliferet.

Choschte tuet das öppe glych viu wie de äs paar normali Schueh im Schuelade geysch go chouffe. Just do it...? ;-)