Kitzbühel

Was macht mä, wenn mä es paar Täg frei het, und niemer angers ou? Was macht mä, wenn äs paar Kollege zKitzbühel am schifahre sy, und mä mit dr Isebahn in haub Europa cha frei umefahre...?

Richtig, Mä-2 geyt go schifahre. Vorgeschter, geschter und hüt bini schnäu zKitzbühel gsy. Aber leider isch ou dört dr Schnee Manguwar gsy!

Derfür isch zSchigebiet, und vor auäm dGaschtfründschaft unüberträffbar. Im Alpen-Gasthof Melkalm hey mers üs so richtig lo guet go. Bi Leberknödelsuppe, Kaiserschmarrn mit Zwetschkenröster und Jagatee isch dr Schneemangu scho wieder vergässe...

Kulinarisch isch Öschtrych immer wieder äs Reisli wärt. Und we sy Schnee hätte wärs dört ou äs super Schigebiet.