Ligerztunnel

Ir Schwyz hey mer äs sehr guet usbouts Isebahn-Netz. Überau isch Doppuspur und Haubstundetakt. Zwüschem Bodesee und em Gänfersee gits aber ä Eispurstrecki, nämlech am Bielersee. Si wird täglech vo rund 250 Intercity-, Regionau- und Güeterzüg befahre! Quasi äs Nadelöhr.

Zum Bischpiu hets in Cressier ä Raffinerie. Und die Produkt (Öu, Bänzin, Kerosen, etc...) müsse irgendwie transportiert wärde. Pro Tag fahre mehreri gfährlichi Güeterzüg über dä Eyschpurabschnitt.

Dermit no nid gnueg. Di rund 250 Züg fahre nume äs paar Centimeter vo de Hüser entfärnt düre. Zuesätzlech hets uf dere 2 km churze Strecki no 3 Bahnübergäng. Ou das gits wou niene me are Houptstrecki idr Schwyz!

Plän sy vorhande für ne Isebahntunnäu. Dr Bund het aber ke Gäud meh übrig, wüu sy auäs id Neat am Gotthard verloche. Jetzt isch Lobbying agseit.

Ungerstützt wird das mit der nigunaguneue Houmpeitsch:

http://www.ligerztunnel.ch