Unger düre!

D'Fahrt iz Wallis isch am schnäuschte mit em Zug düre Lötschbärgtunnäu. Ufem Biudli schlänglet sech ä Intercity ufem Luogelkinnviadukt dSüdrampi abe uf Brig.

Syt drü Mönet fahre scho d'Güeterzüg düre neu Lötschbärg Basistunnäu (ig ha brichtet).

Ab nöchschte Samschtig, 15. Septämber 2007 cha me zwar immer no 'obedüre' düre aut Lötschbärgtunnäu fahre. Aber ab denn cha me nämlech mit em NEAT-Express 'ungerdüre' düre neu Lötschbärg Basistunnäu fahre.

So isch mä inere Schtung vo Bärn im Wallis. Mach das emou mit em Outo... Bis zum offizielle Fahrplanwächsu am 9. Dezämber fahre pro Tag vier Extrazüg ungerdüre. Aber 8-ung. Only with 1st class Ticket.