Fahrplanwächsu

Syt hüt, 9. Dezämber 2007 giutet dr neu Fahrplan!

Di gröschti Änderig isch dEröffnig vom neue Lötschbärg Basistunnäu. Dä verringeret dFahrzyte vor Üsserschwyz iz Wallis bis zure Schtung. Das heisst vo Bärn bis uf Visp hesch no genau ä Schtung. Mit em Outo hesch fasch zdopplette...

Dä Tunnäu isch aber über 20 km nume Eischpurig. Das ergit höchi Aaschprüch ad Betriebsfüerig. Wenn zum Bischpiu ä Zug zschpot isch, het er si Slot verpasst und muess warte, bis är wieder äs Plätzli het im eischpurige Tunnäu. Wüu pünktlichi Züg hey Vorrang.

Süsch hets eigetlech ke grossi Änderige gäh. Z'erwähne wär zum Bischpiu no, dass es jetzt bim Verchershuus ä Bahnhof het, und dass dr Moonliner (Nachtbus) jetzt ou ir Region Biu aazträffe isch.