Ängadin

Sorry, ha scho lang nümme i mi Blog gschribe. Bi drum letscht Wuche mit dr ganze Familie im Ängadin gsy. Z'Ängadin säuber isch jo scho abgläge. Mir si imene Site-Tau gsy vom Ängadin, im Fextal. Äs wunderschöns Täli.

När simer aubes uf d'Ängadiner Seene go länglöifle (Skating-Technik). Ig bi jo nid eso dr Länglöifler. Aber dört wirsch richtiggehend aagfrässe. D'Verhäutniss dört sy ideau. Und am nöchschte Tag weisch när ou, wo di Körper Muskle het, wo de no nie hesch brucht... ;-)