Schifahre

Nach au dene Fyrtige wie Wynachte u Neujohr (wo ig übrigens ha dörfe bügle), ha ig ändlech wieder emou Zyt mi Blog zfüetere...

Zersch emou "Äs guet Nöis 2008"!

Wie scho letschts Johr, möcht ufenes sensationnels Kompiuter-Schpili ufmerksam mache, nämlech um zSkichallenge 2008.

Das chasch gratis abelade, und när chasch unger angerem dAbfahrte vo Wänge oder Kitzbühel beschtrite, aus wärsch säuber dr Abfahrer.

Eigetlech bi ig nid so dr Gamer, aber das Schpili macht süchtig. Äs isch üsserscht realitätsnoch. Mini Trainings-Beschtzyt am Louberhorn isch unger 2 Minute (1:59:45)!

När gits uf dr Louberhornschtrecki sogar no äs paar Tricks, jo mä cha scho fasch säge 'Gheimgäng'. Doch lueg säuber hie & hie... :-)