Appartement à louer

Wüu niemer Inträsse zeigt, mini Wohnig zChexbres zübernäh, hani mou äs Gratis-Inserat gschautet ir Zytig 24heures (Uflag 95'000Stück!).

Hüt am Morge am zwänzg ab achti het scho zerschte Telefon glütet. Äs isch jetzt Namittag am haubi vieri und ig ha scho 36 (!!!) Telefon bercho, vo Lüt wo mini Wohnig wöi cho luege!

Äs het sogar Situatione gäh, wo 3 uf zmou zäme hey aaglütet (di gsehsch au schön ufglischtet ufem Natel).

Ig ha natürlech aune erklärt wo das mini Wohnig deheime isch und ne gseit, si söuä morn am Namittag zwüsche 3 und 4i mou verbicho.

Faus öpper no nid weiss, was er morn Samschtig Namittag söu mache, dä söu doch ou no grad verbi cho. Äs fäuht nume no äs Feschtzäut mit em ne Grill und denn wär zChexbres zgröschte Vouksfescht…! ;-)