Züglä
I weniger aus zwöi Wuche isches sowyt. Ig zügle vom Waadtland iz Bärner Oberland. Ä Nachmieter hani gfunge und jetzt geyts ad Vorbereitige vom Zügle.
Idr letschte Zyt ha ig mi echley umegluegt für nes ideaus Zügu-Outo. Um das Zügle so rationeäu wie müglech zmache hani dänkt, ig lade di ganzi Hütte eyfach ufene Camion und zügle di ganzi Wohnig.
Wäge dr Höhebegränzig uf dä Schwyzer Strosse isch das aber nid müglech. Drum hani äs Zügucamion mit Hebebühni reserviert, wo mä di paar Sächeli i mire Wohnig cha verlade.
Iilad isch am Sunntig Namittag, am 25. Februar 2007 im Waadtland. Aui wo denn no keys sinnvous Programm hey sy ganz härzlech iiglade. Für Apéro, Choscht und Logis isch gsorget.
Und für die wo ersch am Mäntig frey hey, trifft sech das grad ideau. Wüu am Mäntig Namittag, 26. Februar 2007 isch im Bärner Oberland Uslade aagseit. Ou dört sy äs paar chräftigi Armee immer wiukomme.
Und wenn mer scho grad bim Thema sy. Het mer öpper no äs paar Zügu-Tipps?
posted by Mä-2 @ 15:45
2 comments
2 Comments:
Jooo auso miassli ig ha dir e Tipp. Am beschte schribsch au diner garton a de weis jede wo si häre chöme bim uslade gäu guet gäu.
das isch dr zügu tipp nummer eis !
u süsch hie mou go inenlugen !!
www.umzugsratgeber.ch
Bis am Sunntig nomi,
und no öppis vom AUERWICHTIGSTE isch dases me aus GNUE BIER het. das isch no wichtiger aus di züguwage !!!
oooouuh...
Tipp Nr. 2
Aues verchoufe.
Gruess
Kommentar veröffentlichen
<< Home