Fahrleitigs-Schtörig

We mä mit dr Isebahn fahrt, gits ou mängisch Züg wo verschpötet sy oder gar nid ersch chöme. De heissts de aubes im Lutschprächer: "Infolge einer Fahrleitungs-Störung verkehrt dieser Zug mit 20 Minuten Verspätung".

Im fougende Fiumli gsehsch emou 1:1 was ä Fahrleitigs-Schtörig isch. Gfiumet vomene Dach vore Loki us.

Chrank!

Mä-2 isch chrank! Und das scho syt 5 Täg. Rhüme, Fieber, Hueschte, etc... churz auäs wo äbe derzue ghört. ;-(

Jetzt hüeti deheime echley dWohnig und suuffe Tee bis mer dOhre gwaggele. Und das ig nid vergisse zTeebütteli useznäh, tue ig mir jetzt de gly sone Tee-Butler zueche. ;-)

Insuwärter

Z'Ouschtralie isch ä Tschopp usgschribe wo nid autäglech isch. Gsuecht isch nämlech ä Person, wo für nes haubs Johr uf eyre vo dene schöne Insle läbt und dr ganze Wäut per Blog tuet mitteile, dass es eyfach schön isch in Down under (Mä-2 was there in 2005!).

Bewärbe cha mä sech mit em ne churze Video bim Bundesstaat Queensland. Zyt hesch no bis zum 22. Februar 2009. Meh Infos unger www.islandreefjob.com.

Adubodä

Mä-2 isch hüt zAdubode gsy go dBlamasch vo de Schwyzer beguetachte. Derfür isch zWätter & dSchtimmig superbombastisch gsy.