Trüelete

Mä gseht sech ar Trüelete und/oder ou ar Brüälätä. A+

PC

Gschidi Lüt hey wieder emou ä Schtudie gmacht. Das mou isches key amerikanischi Schtudie, sondern eyni vo dr Schwiz.

Lut dere Schtudie sy hützutags öppe 70'000 Mönsche online-süchtig. Die verbringe nämlech meh aus 35 Schtung pro Wuche im Netz, und das usserhaub vo dr Arbeitszyt!

I mim Archiv hani ä 3sitigä Bricht gfungä übere sogenannt „Personal Computer“. Dä Bricht isch öppe 1984 gschribe worde, auso vor öppe 24 Johr… üsserscht amüsant zum läse. Ig hane ungedra emou ineghänkt.

Bottleplot

Dr Läset ischowieder verbi! Schnäu 4 Täg Ruckzuck-zackzack und di Trübus hey aui dr Wäg i Chäuer gfunge. Und im Chäuer hey mer ou ab & zue äs paar Fläschene deguschtiert.

In Hamburg giz öpper, wo zDeguschtiere dä Junge Lüt wott überebringe, und het für das äxtra ä Houmpeitsch konschtruiert www.bottleplot.com.

Läset

Ab nöchschte Mäntig isch am Bielersee wieder dr Läset im Gang. Und Mä-2 isch ou wieder derbi. Hie äs paar Biudli vo letschts Johr.