SwissQuiz

Ig ha do no ä flotte Link zuegschpiut übercho: Swiss-Quiz isch aagseit. Mit em Cursor muesch aui Kantons-Houptschtedt aaklicke. Fäbu und ig sy Swiss-Quiz-Masters. 65 km sy z'ungerbiete! Wär weniger het, bitte unge dra unger 'comments' ergänze.

Kockroach

Jetzt geyts um dini Mithiuf! Unger mycokemusic.ch geyts drum abzschtimme, wär di erfougrichschty Newcomer-Band vor Schwyz isch. Dasch natürlech klar, dass das Kockroach isch mit em Raefu, äm Sapin und em Dubäng. Unbedingt abschtimme unger fougendem Link.

Trüelete

Am Wucheändi isch wieder eynisch Trüelete in Twann, "Das gemütliche Winzerfest am Bielersee". Ig fröiä mi uf jede Bsuech am Sunntig Namittag vom 3 bis am 8i ir Schmitte zumene Schmitte-Spiessli. A+ et santé

Dr Sebi het ä Charre!

Et voilà - dr Sebi het ändlech ä eigete Charre! Und zwar grad ä Peugeot 406 3.0 Liter V6. Lut eigete Ussage "ä Kampfjet".

Gratulation Sebi! Jetzt chunnsch ou Du ändlech mou iz Vergnüege säuber äs Outo zha... und das bedütet unger angerem viu Stüüre zahle. När bruchts ä Versicherig für Haftpflicht, Unfall und Kasko (mit oder ohni Bonusschutz?). När darfsch Bänzin und Reparature nid vergässe. Wie gsehts us mit Winterpneus? Und nid zletscht chöme när no dBuesse derzue mit de schöne Fötelis... ;-)

Aber äbe, ig wott dr dr Spass nid verderbe. Häb viu Vergnüege mit dim Charre und lueg mou, öber bis iz Waadtland cha fahre. I däm Sinn: A+