The same procedure as every year, James

Ds Johr 2006 isch gly fertig. Und do chunnt dFrog uf: "Was louft an Siuveschter?".

The same procedure as every year, James. Wie jedes Johr am Siuveschter isches Tradition dr "Dinner for One" im Fernseh zluege. Das Fiumli gits ou unger fougendem Link uf Google Video aazluege.

Ig wünsche aune äs GUETS NÖIS und viu Gfröits im 2007!

Bärner Oberland!

Mi "Sprach-Ufenthaut" ir Romandie isch gly fertig. Vom Gänfersee geyts a Thunersee. Abem 1. März 2007 wirde ig im Bärner Oberland schaffe, gnauer gseit in Spiez.

Natürlech wirde ig ou dört ir Region wohne. Zäme mit em Chrigi bini auso ir letschte Zyt uf Wohnigssuechi gange. In Rychebach im Kandertau hey mer ä supper Wohnig gfungä.

Jetzt dFrog: Wär het Zyt mir gäge Ändi Februar cho häuffe zzügle? Um usezfinge wenn dases wäm am beschte geyt, giz do ä ideali Houmpeitsch. Eifach dr Name iitrage und aachrüzle wenns am beschte würdi go. So chani dr Zügucamion scho jetzt reserviere - Merci.

Problem

Beispiel-Bild:
Voilà -> ä neue Kompiuter und scho di erschte Problem! Auso zgschröschte Problem isch fougends: Wenn de mou äs Problem hesch, denn wott niemer zueschtändig sy!

Drum appellieri a mini 'Blog-Fangemeinde'. Weiss ächt irgendöpper grad was me hie chönnti mache...? ZWarnfänschter mit de fougende Hiiwise toucht öppe au 5 Sekunde uf. Und sobaud es tuesch quittiere mit >nicht senden< chunnt 5 Sekunde schpöter grad wieder eys! Müehsam!

Media Center Receiver Service hat ein Problem festgestellt und muss beendet werden. Dieses Problem bitte auch an Microsoft berichten.

Problemsignatur
szAppName : ehrecvr.exe szAppVer : 5.1.2715.2812
szModName : CinemAudioDVDadv.dll szModVer : 2.8.6.3306 offset : 00009dea

Problembericht
C:\DOKUME~1\M-2~1\LOKALE~1\Temp\WER875d.dir00\ehrecvr.exe.mdmp
C:\DOKUME~1\M-2~1\LOKALE~1\Temp\WER875d.dir00\appcompat.txt

Schönbündnerland

Wir schreiben das Jahr 2006 nach Christus. Genauer gesagt den 8. Dezember 2006 um 19h50. Die ganze Schweiz wird von Regenwolken besetzt... Die ganze Schweiz? Nein! In einem von unbeugsamen Schweizern bevölkerten Kanton herrscht das schönste Wetter.

Sy hei äbe doch rächt, di Bündner, wenn si bhoupte, dass bi ihne immer zschönschte Wätter isch... ;-)

Tessin...

Äs isch wieder eynisch sowit gsy. Au Johr eynisch machi mit mine Brüetsche ä "T.-Brothers-Usflug". Nach Interlake (Victoria-Jungfrau & Apéro idr Eigernordwand) und Züri (Blinde Kuh & Bodyflying) isch das Johr zTessin dranne gsy.

Dr Fäbu het auäs tiptop organisiert gha. Mit em Xxxxxxxxxxxxxx xx xx Xxxxxxxx Xxxxx xx xxx xxxxx Xxxx Xxxxxxxx xxxxxx. Xxx xx Xxxxx xx xxx xxxxxxx xx Xxxxxxx-Xxxxx xxxxxxxxxx. Xxx xxxxxxxxx xxx xxxxx xxx xxx. (ZENSUR, TEXT VO HÖHEREM INTRÄSSE) ;-)